19.06.2008
_ سمعت الأخبار اليوم ؟؟؟
_لا والله , ليش ؟ إن شاالله خير ؟؟
_طبعا خير .. اليوم بدت التهدئه ...
_الله يجيب اللي فيه الخير ...بس , إتفقوا على كل شي ؟؟؟
_ ولَوّ , طبعا , إحنا عنا مفاوضين بارعين وفهمانين ...
_ الحمد لله .. بدي اتلفن لصاحبى في الخليل , مسكين ’’مطلوب ’’ وصار له من زمان ما شاف لا ولاده ولا امه ولا حرمته ...
_لا يا خوي , ’’ المطلوبين ’’ بالضفه , مش ضمن الإتفاق ...
_معقول !!!؟؟
.... طيب خليني اتلفن لأخوي في قلقيليه , المسكين , اليهود حاطين عينهم على ارضه وبدهم يوخذوها منه ...
_لا ياخوي , ارض الضفه ما إلها دخل بالإتفاق ...
_..!!؟ . طيب والقدس واهلها ؟؟؟
_لا يا عيني , ولا هدول إلهم دخل في الإتفاق ...
_شو هالحي يارجال ؟؟
.. يعني اليهود راح يضلوا يسرحوا ويمرحوا في الضفه , ويوخذوا ارضنا ويقتلوا ولادنا , وإحنا هون في غزه قاعدين على صواريخنا , ومبسوطين ...
_ما تعلى صوتك كثير ... ذاناتهم في كل محل ...بكره بوخذوك , وبتختفى وما بظل الك اثر ....
_طيب يا سيدي , أقل ما فيها , بكره بنقدر نسافر للضفه ونروح نصلي بالأقصي , والله هاي اكبر امنياتي ...
_لا يا حبيبي , ما فيش ممر آمن في الإتفاق ...
_بعدين معاك يارجال ..!!
... طيب بكره بنروح على مصر , عندي قرايب صار لي سنين ما شفتهم ...
_لا , موضوع معبر رفح مأجل لبعدين ...
_الله وأكبر يا اخي , كل شئ لبعدين ..
..طيب على الأقل بكره برفعوا الحصار وبيصير في عنا بنزين وغاز وخبز ؟؟؟؟
_حتى هاي يا خوي بتعتمد على شغلات ثانيه ....
***
...2...
_طيب .. فهمني حاجه الله يخليك ؟؟؟
_شو ..
_مش لما شارون طلع من غزه وأخذ معاه يهوده , كان معروض علينا من ’’جماعه السلطه’’ احسن من هيك بكثير ؟؟؟... تهدئه لكل الفلسطينيه في الضفه وغزه ...مفاوضات على القضايا العالقه ... إستثمارات دوليه كثيره ... إتفاقيه معابر بتتضمن ممر آمن للضفه ...مطار ومينا ... وضمانات اوروبيه ....
_مزبوط , بس هديك كانت مفاوضات مع جماعه السلطه ’’ المنبطحين ’’ ,مش مع جماعه ’’المقاومه المؤمنه ’’ .....
_يعني كل هالناس اللي ماتت , والاطفال اللى تيتّموا , والنسوان اللى ترمّلت , والبيوت اللى تدمرت , والمشاكل اللى صارت بيننا ,وكل الدم اللى سال في شوارع غزه ,راحوا بس مشان توقع ’’ جماعه المقاومه ’’ بدل من ’’جماعه السلطه ’’ ؟؟؟
_ولك يازلمه قلتلك للحيطان آذان ...وطي صوتك شويه ..
***
...3...
_الله اكبر , يعنى إتفاقيه ملانه سلبيات , بتوقعها ’’المقاومه المؤمنه ’’ , صارت اليوم احسن من إتفاقيه فيها كثير من الإيجابيات بتوقعها ’’جماعه السلطه ’’ ..؟؟؟
_ طبعا احسن ....
_ وليش يا فهمان ؟؟؟
_لأنه هاي الإتفاقيه بتقوي مواقع ’’جماعه المقاومه المؤمنه’’ في الحوار مع ’’جماعه السلطه’’ ...
_يعني بِدّك تقنعني انه كل هالمعمعه , والصواريخ والقصف والدم والدمار والشهدا وقسمه الوطن والحقد اللي إنزرع في قلوب اهل البيت الواحد , وسمعه شعبنا اللى طارت , وقضيتنا اللي تراجعت ,كله بس مشان نوقع إحنا ’’جماعه المقاومه ’’ على تهدئه ناقصه شروط التهدئه ,بدل من ’’جماعه السلطه ’’ , مشان نقوي مواقعنا قدامهم ؟؟؟
_طبعا يا سيدي , انت اللى مش فاهمه هو اننا إحنا ’’المقاومه المؤمنه ’’ , وهمه ’’جماعه الإستسلام ’’ و’’صحاب اميركا المنبطحين ’’ ..وكل شي بيقوينا قدامهم , بيضله إيجابي ....
_والله عال !! ..ياخي مجنون بيحكي وعاقل بيسمع , صار الواحد بيتسائل , مين احسن لشعبنا , ’’منبطحين ’’ متمسكين بحقوقنا الوطنيه , وبيحصلوا على شروط تهدئه احسن بكثير لشعبنا , أو ’’مقاومه مؤمنه ’’ بتنبطح على قفاها في اول مفاوضات وبتوقع على ’’تهدئه فاضيه’’ ما فيها من التهدئه إلا الإسم , وبتتخلى عن بقيه الشعب الفلسطيني , وحتى عن حاجات اهل غزه من حريه واكل وغاز وكهربا وبنزين .....
_بعدين معاك يا رجال , قلتلك وطي صوتك ,راح توخذنا بداهيه ....
***
...4...
_طيب يا ابو’’المقاومه المؤمنه ’’ , عندي سؤال ....
_بعدين معاك ..
..طيب هات لنشوف وين آخرِيتها معاك ....
_لو فرضنا ياسيدي ,مثلا , إنه جماعه ’’المنبطحين’’ او غيرهم من ’’جهاد’’ او ’’شعبيه ’’ , قرروا يكملوا طريق المقاومه , ويضربوا صواريخ , ويعملوا عمليات ......
_لا , هاذا الحكي ممنوع ...
_وليش يا جدع ؟؟؟
_لإنهم راح يعرّضوا البلد للخطر , وراح يجيبوا لغزه ولأهلها الدمار والموت والقصف الإسرائيلي , وراح يعرّضوا محادثات ’’المقاومه المؤمنه’’ مع اليهود للخطر ....
_يا سلام يارجال , نسيت يعني مبارح لما كان ’’جماعه السلطه ’’ بيقولوا إلنا إنه صواريخنا بتعرِّض غزه والوطن كله للخطر وللدمار , وكنا نقول إنهم عملا وبيتآمروا على ’’المقاومه ’’ ....
_بس عاد حكي فاضي يا رِِجّال , ’’المقاومه المؤمنه ’’ بيحق إلها إللي ما بيحق لغيرها ....
_سلامات يا ’’مقاومه مؤمنه’’ , والله وضحكتوا على كثير من الناس ...الله يرحمك ياشيخ ياشين ويا رنتيسي ...
_انا ماشي قبل ما تجيب إلنا الدواهي ...
_مع السلامه , وماتنساش تسلم لي على الدكتور عباس إذا شفته بطريقك ....
_ومين بيكون هاذا الدكتور عباس ...
_بيهمش , بعدين بقول لك مين هو ....
_ سمعت الأخبار اليوم ؟؟؟
_لا والله , ليش ؟ إن شاالله خير ؟؟
_طبعا خير .. اليوم بدت التهدئه ...
_الله يجيب اللي فيه الخير ...بس , إتفقوا على كل شي ؟؟؟
_ ولَوّ , طبعا , إحنا عنا مفاوضين بارعين وفهمانين ...
_ الحمد لله .. بدي اتلفن لصاحبى في الخليل , مسكين ’’مطلوب ’’ وصار له من زمان ما شاف لا ولاده ولا امه ولا حرمته ...
_لا يا خوي , ’’ المطلوبين ’’ بالضفه , مش ضمن الإتفاق ...
_معقول !!!؟؟
.... طيب خليني اتلفن لأخوي في قلقيليه , المسكين , اليهود حاطين عينهم على ارضه وبدهم يوخذوها منه ...
_لا ياخوي , ارض الضفه ما إلها دخل بالإتفاق ...
_..!!؟ . طيب والقدس واهلها ؟؟؟
_لا يا عيني , ولا هدول إلهم دخل في الإتفاق ...
_شو هالحي يارجال ؟؟
.. يعني اليهود راح يضلوا يسرحوا ويمرحوا في الضفه , ويوخذوا ارضنا ويقتلوا ولادنا , وإحنا هون في غزه قاعدين على صواريخنا , ومبسوطين ...
_ما تعلى صوتك كثير ... ذاناتهم في كل محل ...بكره بوخذوك , وبتختفى وما بظل الك اثر ....
_طيب يا سيدي , أقل ما فيها , بكره بنقدر نسافر للضفه ونروح نصلي بالأقصي , والله هاي اكبر امنياتي ...
_لا يا حبيبي , ما فيش ممر آمن في الإتفاق ...
_بعدين معاك يارجال ..!!
... طيب بكره بنروح على مصر , عندي قرايب صار لي سنين ما شفتهم ...
_لا , موضوع معبر رفح مأجل لبعدين ...
_الله وأكبر يا اخي , كل شئ لبعدين ..
..طيب على الأقل بكره برفعوا الحصار وبيصير في عنا بنزين وغاز وخبز ؟؟؟؟
_حتى هاي يا خوي بتعتمد على شغلات ثانيه ....
***
...2...
_طيب .. فهمني حاجه الله يخليك ؟؟؟
_شو ..
_مش لما شارون طلع من غزه وأخذ معاه يهوده , كان معروض علينا من ’’جماعه السلطه’’ احسن من هيك بكثير ؟؟؟... تهدئه لكل الفلسطينيه في الضفه وغزه ...مفاوضات على القضايا العالقه ... إستثمارات دوليه كثيره ... إتفاقيه معابر بتتضمن ممر آمن للضفه ...مطار ومينا ... وضمانات اوروبيه ....
_مزبوط , بس هديك كانت مفاوضات مع جماعه السلطه ’’ المنبطحين ’’ ,مش مع جماعه ’’المقاومه المؤمنه ’’ .....
_يعني كل هالناس اللي ماتت , والاطفال اللى تيتّموا , والنسوان اللى ترمّلت , والبيوت اللى تدمرت , والمشاكل اللى صارت بيننا ,وكل الدم اللى سال في شوارع غزه ,راحوا بس مشان توقع ’’ جماعه المقاومه ’’ بدل من ’’جماعه السلطه ’’ ؟؟؟
_ولك يازلمه قلتلك للحيطان آذان ...وطي صوتك شويه ..
***
...3...
_الله اكبر , يعنى إتفاقيه ملانه سلبيات , بتوقعها ’’المقاومه المؤمنه ’’ , صارت اليوم احسن من إتفاقيه فيها كثير من الإيجابيات بتوقعها ’’جماعه السلطه ’’ ..؟؟؟
_ طبعا احسن ....
_ وليش يا فهمان ؟؟؟
_لأنه هاي الإتفاقيه بتقوي مواقع ’’جماعه المقاومه المؤمنه’’ في الحوار مع ’’جماعه السلطه’’ ...
_يعني بِدّك تقنعني انه كل هالمعمعه , والصواريخ والقصف والدم والدمار والشهدا وقسمه الوطن والحقد اللي إنزرع في قلوب اهل البيت الواحد , وسمعه شعبنا اللى طارت , وقضيتنا اللي تراجعت ,كله بس مشان نوقع إحنا ’’جماعه المقاومه ’’ على تهدئه ناقصه شروط التهدئه ,بدل من ’’جماعه السلطه ’’ , مشان نقوي مواقعنا قدامهم ؟؟؟
_طبعا يا سيدي , انت اللى مش فاهمه هو اننا إحنا ’’المقاومه المؤمنه ’’ , وهمه ’’جماعه الإستسلام ’’ و’’صحاب اميركا المنبطحين ’’ ..وكل شي بيقوينا قدامهم , بيضله إيجابي ....
_والله عال !! ..ياخي مجنون بيحكي وعاقل بيسمع , صار الواحد بيتسائل , مين احسن لشعبنا , ’’منبطحين ’’ متمسكين بحقوقنا الوطنيه , وبيحصلوا على شروط تهدئه احسن بكثير لشعبنا , أو ’’مقاومه مؤمنه ’’ بتنبطح على قفاها في اول مفاوضات وبتوقع على ’’تهدئه فاضيه’’ ما فيها من التهدئه إلا الإسم , وبتتخلى عن بقيه الشعب الفلسطيني , وحتى عن حاجات اهل غزه من حريه واكل وغاز وكهربا وبنزين .....
_بعدين معاك يا رجال , قلتلك وطي صوتك ,راح توخذنا بداهيه ....
***
...4...
_طيب يا ابو’’المقاومه المؤمنه ’’ , عندي سؤال ....
_بعدين معاك ..
..طيب هات لنشوف وين آخرِيتها معاك ....
_لو فرضنا ياسيدي ,مثلا , إنه جماعه ’’المنبطحين’’ او غيرهم من ’’جهاد’’ او ’’شعبيه ’’ , قرروا يكملوا طريق المقاومه , ويضربوا صواريخ , ويعملوا عمليات ......
_لا , هاذا الحكي ممنوع ...
_وليش يا جدع ؟؟؟
_لإنهم راح يعرّضوا البلد للخطر , وراح يجيبوا لغزه ولأهلها الدمار والموت والقصف الإسرائيلي , وراح يعرّضوا محادثات ’’المقاومه المؤمنه’’ مع اليهود للخطر ....
_يا سلام يارجال , نسيت يعني مبارح لما كان ’’جماعه السلطه ’’ بيقولوا إلنا إنه صواريخنا بتعرِّض غزه والوطن كله للخطر وللدمار , وكنا نقول إنهم عملا وبيتآمروا على ’’المقاومه ’’ ....
_بس عاد حكي فاضي يا رِِجّال , ’’المقاومه المؤمنه ’’ بيحق إلها إللي ما بيحق لغيرها ....
_سلامات يا ’’مقاومه مؤمنه’’ , والله وضحكتوا على كثير من الناس ...الله يرحمك ياشيخ ياشين ويا رنتيسي ...
_انا ماشي قبل ما تجيب إلنا الدواهي ...
_مع السلامه , وماتنساش تسلم لي على الدكتور عباس إذا شفته بطريقك ....
_ومين بيكون هاذا الدكتور عباس ...
_بيهمش , بعدين بقول لك مين هو ....
ليست هناك تعليقات:
إرسال تعليق